คอร์ดเพลง หากลืมเจ้าได้ คงบ่ปล่อยใจให้เจ็บ – ศาล สานศิลป์

ใบไผ่เหลืองต้องลมหนาวทิ้งลงข้างกอ
ปลาทิงปลาข่อ น้ำขอดบ่อพากันดิ้นตาย
ผ่านมากี่แล้ง บ่เปลี่ยนแปลงเลยชีวิตอ้าย
ความเจ็บยังคงหายใจ ตั้งแต่วันเจ้าไปกับเขา

หาทางหยุดเหงาซ่อนรูปเราลบเบอร์เจ้าทิ้ง
แต่บ่อาจฝืนความจริง ว่าทุกสิ่งของอ้ายคือเจ้า
ลมหัวกุดต้อง มวนดอกคันจองก่องงาสะเดา
พัดเถียงนาน้อยหลุดเสา แต่บ่เคยพัดเหงาจากใจ

* หากลืมเจ้าได้คงบ่ปล่อยใจให้เหงา
ไผสิอยากเจ็บกับภาพเก่าเมื่อคำว่าเฮาบ่มีความหมาย
แต่ใจที่ฮักยังแน่นหนักบ่เคยเสื่อมคลาย
บ่ฮู้ว่าฮอดมื้อตาย สิลืมได้บ่น้อใจพี่

** ใบไผ่เหลืองเอนไหวตามสายลมต้อง
แต่ใจฮักน้องบ่เอนไหวจากอ้ายคนนี้
นั่งเบิ่งปลาข่อน พากันซ่อนแลนหาหม่องลี้
งึดหลายแต่ใจอ้ายนี้ จักสิลี้ความเจ็บจั่งใด๋

( *, ** )