คอร์ดเพลง น้ำใจไล่น้ำแก่ง – ครูสลา คุณวุฒิ

ฟังข่าวน้ำท่วม แล้วเบิดควมสิเว้า
มื้อนี่อีสานบ้านเฮา
หลายหม่องหลายบ่อนจมน้ำเฉียบพลัน
พายุโพดุลหอบฝนแสนห่า มาลงโทษทัณฑ์
เกิดน้ำออกแก่งท่วมนาท่วมบ้าน
ฟังข่าวรายงานสงสารพี่น้อง…

โอ้ย..ตั้งแต่เกิด จากน้อยจนใหญ่บ่เคยพ้อ
ฟ้าดินเพิ่นเคียดผให้ไผน้อ
คือโหดติดต่อเหลียวบ่พ้อป่อง
วัดวาโรงเรียนถนนกลางบ้านกลายเป็นลำคลอง
โรงสีข้าวจมแกลบฟูอ่องลอง
ไฟดับน้ำนอง ไทบ้านกินน้ำตา

ส่งข่าวเอิ้นหา..น้ำใจคนไทบ้านเฮา
อยู่ไสแนน้อหมู่เจ้า
ผู้คนบ้านเฮาจ่มอยากเห็นหน้า
ยามยากยามนี้ ไผยังพอมีให้ชวนกันมา
บะหมี่ ข้าวสาร กะปิ น้ำปลา
รวบรวมกันมา ส่อยคนหนีน้ำ

ฟังข่าวน้ำท่วม แล้วส่งต่อควมบอกกันไป
น้ำท่วมบ่ฮอดหัวใจ เพราะพี่น้องไทหัวใจบ่ดำ
พายุน้ำใจหอบฮักยิ่งใหญ่กลับไปเยี่ยมยาม
บ้านไผบ้านมันส่อยหยังได้ให้ทำ
กัดแข่วสู้น้ำ ซามฟ้าเห็นใจ

( ดนตรี )

ส่งข่าวไปหา..น้ำใจคนไทบ้านเฮา
อยู่ไสแนน้อหมู่เจ้า
ผู้คนบ้านเฮา จ่มอยากเห็นหน้า
ยามยากยามนี้ ไผยังพอมีให้ชวนกันมา
บะหมี่ ข้าวสาร กะปิ น้ำปลา
รวบรวมกันมา ส่อยคนหนีน้ำ

ฟังข่าวน้ำท่วม แล้วส่งต่อควมบอกกันไป
น้ำท่วมบ่ฮอดหัวใจ เพราะพี่น้องไทบ่เคยใจดำ
พายุน้ำใจหอบฮักยิ่งใหญ่กลับไปเยี่ยมยาม
บ้านไผบ้านมันส่อยหยังได้ให้ทำ
กัดแข่วสู้น้ำ.. ซามฟ้าเห็นใจ…